童谣一：
老鼠尾巴像挫刀 老鼠眼睛像胡桃 前脚低 后脚高
身穿一件破棉袄 日里趣趣困黯觉 夜里做贼做强盗 黄鼠狼
看见告诉老爷道 老爷是噶话
你个赤佬也勿好
得人家生蛋鸡娘咬咬倒
害的两家公婆鸡狗鸡狗吵不好
童谣二：
一尚哭、一尚笑 两只黄狗抬花轿 轿子抬到老江桥 东张张、西望望 脚步跘在桥头墩 囡囡跌到外婆家
正月拜岁吃瓜子，二月出门放鹞子。三月上坟祭祖子，四月下饭吃蒲子，五月端午吃粽子，六月荷花出仙子，七月桂三拿银子，八月月饼嵌馅子，九月重阳赏菊子，十月磨粉裹圆子，十一月刮风落雪子，十二月冻煞叫花子。”
阿弥陀佛念念光棍经，光棍做人真伤心，呒有老婆做头睏，呒有阿囡关窗门，呒有儿子倒尿盆，自带钥匙自开门，自炒冷饭自来盛，脚后遛遛呒亲人，一把眼泪流到脚后跟
小宝宝，侬要啥人抱？我要娘娘抱，娘娘念佛睏晏觉；小宝宝，侬要啥人抱？我要爷爷抱，爷爷腰骨弯不倒；小宝宝，侬要啥人抱？我要舅舅抱，舅舅出门到余姚；小宝宝，侬要啥人抱？我要阿爹抱，阿爹水碓搡年糕；小宝宝，侬要啥人抱？我要姆嬷抱，姆嬷摘茶捡猪草
哭鬼王，买咪糖，咪糖倒翻，哭鬼王拉屋里吃早饭，早饭呒有吃，走到山里叭叭哭，砟了三支大毛竹，起了三间大楼屋，东也漏，西也漏，漏得癞子头里水胖臭
姆嬷喂，要豆吃；啥格豆？罗汉豆；啥格箩？三斗箩；啥格伞？破雨伞；啥个派？斧头派；啥格府？绍兴府；啥格兆？芝麻兆；啥格籽？白菜籽；啥个白？桕子白；啥格舅？老婆舅；啥格佬？花狗佬；啥格花？葱罩花；啥格葱？屋楼葱；啥格屋？阿拉三间大楼屋
月亮婆婆贝贝，我种芥菜；芥菜开花，我种南瓜；南瓜拉藤，我种大菱；大菱三只角，我种小黄瓜；黄瓜长刺，我种茄子；茄子长长，我种菜秧；菜秧青青，我抲萤萤
相关推荐：
loading